昱晟科技有限公司

2018-04-21   Executive日記 – KellyChu

1/1■警察「巡邏簽到簿」箱加裝「太陽能LED感應燈」，喺夜晚會發光，方便巡警。

 Kelly老友昨天喺香港仔郊野公園發現一盞「神奇的燈」，仲傳相片來，原來係一個警察「巡邏簽到簿」箱外裝咗一盞「太陽能LED感應燈」，小妹問過警察公共關係科朋友，佢哋回應話，係特意喺「巡邏簽到簿」箱安裝太陽能燈，作夜間照明用途，方便警務人員巡邏執勤睇清楚，真係有心！

        小妹見到呢款燈咁得意，就喺淘寶搵吓資料，見到一款類近嘅太陽能燈，優惠價下賣人民幣三十六蚊，商店描述呢款燈可以亮燈十小時，有分散式太陽能板分佈，受熱更平均，防水防腐，且設有智能光控，並有兩種模式可供選擇，一係當人體感應器感應到有人時燈變亮，無人時燈變暗，十五秒後熄燈；另一種係當人體感應器感應到有人時亮燈，無人時熄燈。

　　警察公共關係科話，香港仔分區喺呢個月於區內近郊嘅「巡邏簽到簿」箱安裝太陽能燈，作夜間照明用途，方便警務人員巡邏執勤。小妹覺得，以後警察夜晚巡邏簽簿時，就可以睇得更清楚，唔會眼花啦！不過大家都要自律，唔好玩燈，留返啲電畀警察哥哥用啊！

Kelly Chu